payindaah tar - taabindah tar

!....آنکھیں کہیں جنہیں

!....آنکھیں کہیں جنہیں

٭ گناہ کی پہلی سیڑھی اور حیاکی پہلی زینت ہیں۔ 

٭ دیکھنے کی حس ماند پڑ جائے تو باقی حسیں زیادہ محتاج ہوجاتی ہیں۔ 

٭ لاشعوری تخلیق ، ظاہری آنکھ کی محتاج نہیں ہوتی۔ 

٭ دل کو پرسکون رکھنا چاہتے ہیں تو اپنی پلکوں کے نیچے حیا کا بسیرا کرلو۔ 

٭ ظاہری آنکھ سے عشق کی ابتدا نہیں ہوتی۔

بڑے لوگ .... بڑی باتیں

٭ جس کے دل میں ماں کیلئے محبت ہے، وہ زندگی کے کسی بھی موڑ پر شکست نہیں کھا سکتا۔ 

٭ خاموشی سب سے زیادہ آسان کام اور سب سے زیادہ فائدہ مند عادت ہے۔ 

٭ جس چیز کا علم نہیں، اس کو مت کہو، جس چیز کی ضرورت نہیں، اس کی جستجو نہ کرو، جو راستہ معلوم نہیں اس پر سفر مت کرو۔ 

٭ انسان بہت عظیم ہے، کسی کے تحقیر نہ کرو، ہر ایک سے اچھے اخلاق کے ساتھ پیش آﺅ۔ 

٭ اگر اچھی بات تمہارے دشمن میں بھی ہو تو اسے قبول کرنے سے دریغ نہ کرو۔ 

انمول تحفہ

انمول تحفہ

خلوص ایک خداداد صلاحیت ہے۔ خلوص کے ساتھ کسی کے ساتھ پیش آنا بہت بڑی نیکی ہے۔ خلوص کے چند لمحے انسان ساری زندگی نہیں بھلا سکتا۔ تھوڑی سی مسکراہٹ اجنبی کیلئے زندگی کا ساتھ ہوسکتی ہے۔ خلوص سے بولے میٹھے میٹھے لفظ، کسی مریض کیلئے زندگی کا باعث ہوسکتے ہیں۔ 

مسکراہٹ ایک ایسا تحفہ ہے، جس کی کوئی قیمت نہیں۔ ایسی مسکراہٹ سے پرہیز کریں جو کسی کا دل دکھائے۔ اگر کوئی شخص آپ کو پھول پیش کرے تو اسے کبھی نہ ٹھکراﺅ کیونکہ اس کے پاس اس خلوص سے مہنگا تحفہ نہیں ہے۔ 

مخلص دوست

مخلص دوست

تنہائی اور تاریکی سے ہر کوئی ڈرتا ہے لیکن اصل میں تنہائی ایک مخلص ساتھی ہے، جس کے سینے میں ہمارے بہت سے راز محفوظ ہیں۔ جب کوئی بھی ہمیں سمجھنے والا، ہمارے آنسو پونچھنے والا نہیں ہوتا، جب جب ظالم دنیا میں قدم قدم پر دکھ کا سامنا ہوتا ہے، جب کبھی کسی ایسے کندھے کی تلاش ہو جس پر سر رکھ کر ہم رو سکیں، اپنا غم بیان کرسکیں، اپنا آپ ہلکا کرسکیں، جبکہ ہر ہونٹ تمسخرانہ مسکراہٹ لئے ہوئے ہوں، محبت کا ڈھونگ رچانے والے لالچ کی طمع میں گرفتا ر ہوں اور نفرت کے تیر سے دل کو چھلنی کردیں، تو ایسے میں پوری شدت کے ساتھ مخلص دوست کی یاد ہی ستاتی ہے، جو کسی غمگسار دوست کی طرح پاس آکر گلے سے لگاتی ہے اور نہ صرف آنسو کو پونچھتی ہے بلکہ دل کو بھی بہلاتی ہے۔ 

علم.... اور عمل

علم.... اور عمل 

علم دو طرح کے ہیں۔ ایک علم وہ ہے جو زبان سے دل تک پہنچتا ہے اور عمل کا باعث بنتا ہے۔ یہی علم قیامت میں کام آئے گا۔ 

دوسرا علم وہ ہے، جو زبان میں رہتا ہے مگر دل تک نہیں پہنچتا۔ ایسا علم قیامت میں کام نہ آئے گا۔ ایسے آدمی کو اللہ تعالیٰ یہ کہہ کر سزا دے گا کہ تو سب کچھ جانتا تھا، پھر عمل کا توشہ اپنے ساتھ کیوں نہیں لایا، جو یہاں تیرے کام آتا۔ 

وقت

وقت ہماری مٹھی سے ریت کی مانند پھسل جاتا ہے۔ پتہ ہی نہیں چلتا کب وقت رخصت قریب آجاتا ہے۔ ہر شخص اس دنیا کی قید سے رہائی پا کر ہمیشہ ہمیشہ کیلئے عہدی قید میں چلا جاتا ہے۔ جو اچھوںکیلئے اچھی اور بروں کیلئے بری ہے، لیکن پیچھے رہ جانے والوں کیلئے نصیحت ہے کہ اس دنیا کے فریب میں نہ آﺅ لیکن نتیجہ صفر.... کہ نصیحت کی بھی کسی کو ضرورت ہے؟

عقلمند کیلئے نصیحت بیکار کہ اس کو نصیحت کی ضرورت نہیں ۔ اور بے وقوف اس پر عمل کرنے والا نہیں۔ بس قدرت کا کارخانہ یوں ہی رواں دواں رہتا ہے۔ یہ وقت کچھ سکھائے نہ سکھائے لیکن ہمیں زندگی کے تلخ اور شیریں تجربات سے آشنا کردیتا ہے۔ لیکن اس کی بڑی قیمت چکانی پڑتی ہے۔ اک عمر اس کو حاصل کرنے میں بیتانی پڑتی ہے، تب کہیں جا کہ اک عام آدمی کندن بنتا ہے۔ 

لاجواب

اشفاق احمد کہتے ہیں کہ مجھے ایک سوال نے بہت پریشان کیا کہ مومن اور مسلمان میں کیا فرق ہے؟ میں نے کئی لوگوں سے پوچھا مگر تسلی بخش جواب نہ ملا۔ ایک دن ایک گاﺅں سے گزرا ۔ ایک بوڑھے سے مزدور گنے کا رس نکال رہے تھے میں نے ان سے یہ سوال کیاکہ: "مومن اور مسلمان میں کیا فرق ہے؟"

انہوں نے ایک نظر اٹھا کر مجھے دیکھا اور فرمایا: "مسلمان وہ ہے جو اللہ کو مانتا ہے اور مومن وہ ہے ، جو اللہ کی مانتا ہے"۔ 

ایک ان پڑھ سے ایسا دانش مندانہ جواب سن کر میں حیران رہ گیا۔ 

زبان کی لغزش

پاﺅں کی لغزش سے سنبھلنا تو ممکن ہے لیکن زبان کی لغزش کا کوئی مداوا نہیں۔ ترش روئی عمر کے ساتھ کبھی دھیمی نہیں پڑتی اور تلخ کلامی ایک ایسا تیز دھار اوزار ہے جس مسلسل استعمال سے اور زیادہ تیز ہوتا ہے۔ 

پرندہ اپنے پروں سے اور انسان اپنی زبان سے پکڑا جاتا ہے ۔ جب زبان بے لگام ہوجائے تو اس کو سدھارنا آدمی کے بس میں نہیں رہتا۔ 

مخلص دوست

تنہائی اور تاریکی سے ہر کوئی ڈرتا ہے لیکن میں تنہائی کو مخلص ساتھی سمجھتا ہو، جس کے سینے میں ہمارے بہت سے راز محفوظ ہیں۔ جب کوئی بھی ہمیں سمجھے والا، ہمارے آنسو پونچھنے والا نہ ہو، جب ظالم دنیا قدم قدم پر دکھ دے، کوئی ایسا کندھا نہ ملے جس پر سر رکھ کر ہم رو سکیں، اپنا غم بیان کرسکیں، جب سب سے ہونٹوں پر ہمارے لئے تمسخرانہ مسکراہٹ ہو، محبت کا دعویٰ کرنے والے لالچی ہوں، جو نفرت کے تیر ہمارے دل میں پیوست کردیں.... تو ایسے میں پوری شدت کے ساتھ میں اپنی مخلص دوست تنہائی کو پکارتا ہوں، جو سب کی نظریں بچا کر چپکے سے میرے پاس آتی ہے اور کسی غمگسار کی طرح مجھے گلے لگا کر میرے آنسو پونچھ لیتی ہے۔